اسال الله لها ان يدخلها جنات النعيم وان يجعل مثواها الجنة
تذكرن هذا اليوم وهو نفس وتاريخ اليوم
والله لن انساها والله لن انساها ما حييت
كنت اتمنى الزواج منها ولكن اخذها ملك الموت مني اخذها واصبحت وحيدا
يمكن ماتصدقوني ولكن والله اني اكتب الموضوع هذا وانا ابكي والله ان الدموع تنزل وبغزارة
اسال الله ان يجمعني واياها في جنات النعيم
جاني خبرها وأنا في تعيس النوم
فزّيت فزّة خبل مايدرك أفعاله
سألت مرسول الخبر عن تأكيد العلوم
قال لي حل القدر من رب الجلاله
قلت له كذاب يازاير النوم
قال لي مسموح ومالك زلاله
هذا قدر ربك وماينفع النوح واللوم
إصبر وإدعي من الرب يحسن مقاله
ذكرت ربي والدموع زخوم
ماني متخيّل حياتي بلا وصاله
قالوا لي هدّي وقم نصلّي مع القوم
وإعرف صلاتك ترى بميزان أعماله
مسحت دمعي وإغتسلت قاصدٍبيت قيّوم
صلّينا عليها وعلى شايب ودع عياله
شالوها اهلها وانا من خلفهم مهموم
كاتمن دمع أخشى من إنزاله
عرفت إن الأمر صار محتوم
يوم إن جسدها نزل في ضيّق مجاله
غمضت عيني ودعيت يامسير غيوم
تجعل قبر محبوبتي جنة إحلاله
صار الدفن وأنا بحسرتي محروم
عزّيت أبوها وأنا اللي العزى يرساله
جاني أخوي وحس جسمي المحموم
قال لي وشفيك قلت كلي بكاله
كل مافيني بكى من راسي للقدوم
قال لي معذور لو مارجراله
كلهم راحوا وبقيت وحدي والهموم
واخوٍبكى لبكاي ماإستحمل الحاله
سندني أخوي وقال يااخوي قوم
يكفي وخل القلب يحيا بما بقاله
قلت له ياخوي قلبي ترى صار مسموم
إعذر فؤادٍ صار فاقد مناله
خلني عند قبرها أذكر ماضي حلوم
حلمٍ حلمناه قبل يجري اللي جراله
سجدت أنا عند قبرها وسال دمعي المظلوم
وفي بيتي التاسع عشر عدد عمرها بالعوم
أنهي قصيدي بدمع ماوقف إهلاله